Suraꞌna YAKUB
Yakub inni niareꞌ arinna Isa, nuanreꞌ natappaꞌi Isa ri rieꞌna ri linoa mingka riboko mae natappaꞌ tojeꞌi na anjari pungkaha ummaꞌ ri Yerusalem. Suraꞌa inni nipitujuiang “paꞌrussanakang nuansuluꞌa battu ri sampulo anrua tuhuseng nutaꞌtalasa ri antereꞌ-tereꞌ.” Suraꞌa inni niukiri lampangngajarii ummaꞌ taꞌtalasaya na langkaddorii ri sessana na taꞌripisiꞌna, nampa pole aꞌpaꞌnassai katunrukang ati na katappakang na pangngisseꞌ nutojeꞌa.
Suraꞌna PETRUS numaka SEꞌREa
Suraꞌna Petrus numaka seꞌrea inni nipitujuiangi tau tappaꞌ ri Masihi nutaꞌsiaraya na nunisabbuꞌ “ummaꞌ pilena Alla-taala.” Paꞌtujungna lanikaddorii katappakangna ri pataꞌripisang na pannyessa gara-gara katappakangna ri Masihi. Na napauꞌrangii angkua kasessaangna anjarii pannyoꞌri angkuaya maka tojeꞌ tappaꞌi ri Masihi na lanibalasai ri Puanga ri rieꞌna mae Isa Masihi.
Suraꞌna PETRUS numaka RUAya
Suraꞌna Petrus numaka ruaya inni napaꞌtujui ummaꞌna Masihi pada ri suraꞌ maka seꞌrena. Inni suraꞌa naukirii lampekkai ajarangna tumaneng guru, nampa pole lampaꞌtanreꞌi panggaukang tala sirattang nunapahuaꞌa ajarangna tumaneng gurua injo. Petrus angkellaii ummaꞌa sollanna anreꞌ nipakataꞌkaririꞌi ri ajaranga injo na aꞌpatantang ri ajarang annabaya ri sesena Alla-taala na ri sesena pole Isa Masihi, iamintu ajarang nunapalantea tau nunsabbiangi na nullangngereai Isa angngajara.
Suraꞌna YAHYA numaka SEꞌREa
Yahya numaeng angngukirii boꞌ-boꞌ Paꞌpau Hajiꞌna Isa Masihi nangngukiri todoꞌ tallu suraꞌ caddi ri toanamo. Ri suraꞌ numaka seꞌrea inni napakalompoi nyahana tau tappaꞌa sollanna aꞌtallasa sipaꞌseꞌreang Alla-taala na Anaꞌna pole iamintu Isa Masihi, nampa pole napalonarai ajarangna tumbaliangi Isa Masihi. Sipekkai ajaranga injo, na napaꞌnassai Yahya angkua Isa Masihi tojeꞌ maeng anjari rupa tau maꞌtungka. Napau na terasa todoꞌ angkua iangaseꞌ tau nutappaꞌa ri Isa Masihi na napetta Alla-taala parallu toꞌi sipetta paranna.
Suraꞌna YAHYA numaka RUAya
Suraꞌna Yahya numaka ruaya mange ri sitau bahine nunipile ri Alla-taala siurang anaꞌna nuningaia. Kulle kapang nuniareꞌa bahine siurang anaꞌna iamintu seꞌre umma siurang taunna. Yahya angkellai ngaseꞌi sollanna sipetta paranna. Napau na terasa ri sesena Isa nuAlla-taala na rupa tau pole.
Suraꞌna YAHYA numaka TALLUa
Suraꞌna Yahya numaka tallua mange ri paꞌtoa ummaꞌ nuniarenga Gayus. Yahya ampujii Gayus lanri pannunranginna ri tau tappaꞌna Masihi.
Suraꞌna YUDAS
Yudas niareꞌ arinna Isa. Suraꞌna Yudas inni naukirii lampataruꞌrangii iangaseꞌ tau “nunikeoꞌa na nuniciꞌnongia ri Alla-taala Amma na nunikatutuia ri Isa Masihi” sollanna atutu ri sesena tumaneng guru nungngareꞌi kalenna tutappaꞌ ri Masihi. Ri suraꞌna nubodoa inni nakaddorii iangaseꞌna sollanna aꞌtarrusu aꞌkunjeng-kunjeng ri katappakangna.
