Suraꞌna Paulus numaka SEꞌREa mange ri Ummaꞌa ri KORINTUS
Suraꞌna Paulus numaka seꞌrea mange ri ummaꞌa ri kota Korintus naukiri bajung lambicarai palakara nurieꞌa ilalang ummaꞌ nunapaentenga Paulus kunjo mange. Nupokoꞌa napikkiri Paulus iamintu palakara pasipekkaang na kakodiang ilalang ummaꞌ. Battu ri pikkirang nulantanga na napaꞌpiitteangi Paulus antereꞌ pakua paꞌpau hajiꞌ nubattua ri Alla-taala anghilo-hiloi palakaraya injo. Passala 13 ampaꞌnassaangi tanra pammetta nutojeꞌa. Passala 15 ampaꞌnassaangi aꞌtallasaꞌna amminro Masihi na tau tappaꞌ pole. Kulle kapang ri kittaꞌ ciꞌnonga, injo rua passalaya nukaminang niisseꞌna.
Suraꞌna Paulus numaka RUAya mange ri Ummaꞌa ri KORINTUS
Suraꞌna Paulus numaka ruaya mange ri ummaꞌa ri Korintus naukirii ri hattu sukkaraꞌna pasisambungangna Paulus na ummaꞌa injo. Napaꞌnassai angngurai na napekka sarringi paꞌbaliangna na callaangna ummaꞌ Korintus, nampa napaꞌnassai karannuangna angkuaya pammekkaangna Paulus nuterasaya injo aꞌpahuaꞌ paꞌtobakang na paꞌsamaturukang.
