Paꞌpau Hajiꞌna Isa Masihi nunaukiria YAHYA
Yahya sampo sikalina Isa na papinahang kaminang ambanii. Tala maengi nasabbuꞌ arengna toꞌji ri boꞌ-boꞌa inni, mingka sangnging nakua ri sesena kalenna “papinahang nunapaeꞌnyaꞌa Isa.”
Isa nisabbuꞌ Paꞌpauna Alla-taala nuanreꞌ aꞌtappuꞌna numaeng anjari rupa tau na ammantang ri tangnga-tangngata. Paꞌtujungna boꞌ-boꞌa inni niukiri sollanna iangaseꞌ pabaca aꞌkulle aꞌtappaꞌ angkua Isami Papakasalamaꞌ nunipaꞌjanjianga. Iami Anaꞌna Alla-taala. Nampa pole sollanna battu ri katappakang ri ia na iangaseꞌna ammuntulu tallasa.
Kunre ri boꞌ-boꞌa napaꞌpokoꞌi Yahya ri tallasa maꞌtungka na nutala aꞌtappuꞌ, nunapaꞌdahuanga Alla-taala na Isa Masihi naletei. Paꞌdahua injo aꞌpakarammulai ri linoa, na aꞌkulle nakasiaꞌ tau nuntarimayai Isa anjari annorang mange ri Alla-taala. Yahya sangnging angngalle rapang-rapang nubattua ri palakara allo-allo lampaꞌpiitteangi palakara sumangaꞌ, ebaraꞌna: ere, roti, sinara, pakalahaki na bimbalaꞌna, pokoꞌ anggoro na buana.
